Limpeza e actividades do taller de prototipado
Esta actividade será levada a cabo por persoas con discapacidade do Centro Misela e conta con diversas tarefas:
Limpeza: Recollendo os residuos mariños que se atopan nas praias e no litoral. Esta limpeza levarase a cabo de distintos modos:
- A pé: nas praias e nos marxes costeiros, levado a cabo tanto polas persoas usuarias do Centro Misela, como nas actividades grupais de sensibilización con centros educativos, entidades sociais…
- Dende as embarcacións do Clube ADECO-DEA: sempre e cando se observe unha zona cunha gran acumulación de residuos, por exemplo nos portos (Portosín, Freixo, Testal), recollendo dende as embarcacións deste, o plástico que se observe flotando na superficie do mar.
- Tamén é importante nesta actividade a colaboración coa Confraría de Pescadores de Noia, xa que nos permitirán ubicar contedores destinados á recollida dos residuos, contando coa colaboración dos traballadores do mar para o proxecto.
Xestión dos residuos: Separación dos residuos nos contedores correspondentes e selección do plástico para o taller de prototipado.
Actividade de prototipado no taller: A través das máquinas do taller converterase o plástico recollido en produtos diversos de alta resistencia, ofrecendo unha segunda vida ó mesmo, e diminuíndo os residuos atopados.
